Ez jî kefxwes dibim wek nivîskarekî kurd ku nerîna xwe di pejirandina perlementoyê kurdistanê a derbarî Projeqanûna Pirrjiniyê de bînim ziman û bi hêvîme ku serok Mesûd Barzanî li ser îmze neke, ji ber ku berpirsyariyeke dîrokî ye.. Gerek vajî vê Projeqanûna Pirjiniyê, perlementoyê kurdistanê Projeqanûna Ferjiniyê an Yekjiniyê pêskêsî perlemento kiribana, Da ku Kurdistan bûba nimûneke berz di rojhilata navîn de, hem dibû vekirina deriyekî saristanî di cîhana Îslamî bi tevî de… Ji ber ku mirovahî bi pês de dimese, pêwîste tevgera mirovahiyê a jin û mêr jî, bi pês de here û li rewsa jinê, bi çavekî din bê mêze kirin; zilm û zora ku bi hezarê salan lê hatiye kirin û dibe sivik bibe. Ji ber vê yekê ez bi ferjiniyê an yekjiniyê re me.
Wek ku diyare tev olên ku hatine û tev rêxistinên ku hene, ji bo xwesî, gesî û jiyanek çak ji mirovahiyê re hatine pê.. Her olekê xebat di ber xwesiya olperestên xwe de kiriye û dike, û her rêxistinek têkosînê di ber jiyaneke rind bo civata xwe dike.. Û wek ku em tev dizanin; jin nîvê civata me ye, ji mafê vê jinê ye jî ku di xwesî û sadiyê de jiyana xwe derbas bike.. û em tev dizanin ku jiyana jinê, qet bi hewiyê re xwes nabe û di kulturê me de gelek çîrokên bi xem û ês li dor hewiyê û nexwesiyên zarokan, malbat û civatê hene..
Dujinî, sêjinî an çarjinî, di vî çerxê pêsketî de, gunhkariyeke mezin e, gunehkariyeke sê qolîye di heqê jinê, zarokan û civatê de. Eger jiyana mirovê zilam, ji rex nêrbûna wî ve, bi anîna du jinan a sê jinan an çar jinan xwes bibe, li gor ku dine islamê izin daye, lê ji sê cihên din ve nexwesiyên malbatî û civatî pir dibin; Jiyana malê dibe dûjeh, ya zarokên vê jinê û wê jinê, li binguhê hev dikeve û dawî bingehê civatê ne bi rengekî tekûz tê ava kirin. Ango civateke seqet û hîledarî ava dibe.. Û em kurd hewcedariya me bi civateke saxlem û ji nexwesiyan dûr be, heye: Ta ku em karibin welatê xwe bi rengekî saristanî ava bikin û welatiyên xwe di sadî û bextiyariyê de derbas bikin.
Du kevok lûsê xwe datînin, mê û nêr e, me sehnekiriye ku kevokek nêr bi du kevokên mê re hêlîna xwe çêkiriye…
Ev biryara ku perlementoyê hikûmeta Kurdistanê pejirandiye ne di cihê xwe de ye, ponijandinek dûr û dirêj jêre dive û dawî gaveke çewt e ne saristaniye. Em ji serokê herêma Kurdistanê rêzdar Mesûd Barzanî hêvî dikin ku vî projeyê ne pejirîn e.
Erê em bi yekjiniyê re ne, lê ne ( Zewaca Kasolîkî)jî.
* – Spas bo mamoste Zana Sebrî yê ku em agahdarî vê biryarê kirin û hist ku em nerînên xwe derbarî pirjiniyê bînin ziman.
Qamislo, 21/12/2008
Jêder: Rizgari.com
